በቁጥጥር ስር ውላ ወደ መኪና ስትገባ ጭንቅላቷ ከመኪናው ጋር በመጋጨቱ ደም እንደፈሰሳት እና እና ወዳልታወቀ ቦታ መወሰዷን አክሏል።

ግለሰቧ ወደ አዛድ ዩኒቨርሲቲ መማሪያ ክፍሎች ገብታ ተማሪዎችን መቅረፅ እንደጀመረች አንድ እማኝ ለቢቢሲ ፋርስ ተናግሯል። መምህሩ ድርጊቷን ሲቃወም እየጮኸች ሄዳለች ብሏል።

እንደ ዓይን ምስክሮች ከሆነ ግለሰቧ ተማሪዎቹን “ላድናችሁ ነው የመጣሁት” ብላቸዋለች።

“አስገዳጅ ሂጃብ መልበስ ላይ ተቃውሞዬን ስገልጽ የጸጥታ ኃይሎች ከያዙኝ በኋላ ቤተሰቦቼ የአእምሮ ጤና ችግር እንዳለብኝ እንዲናገሩ ጫና ተደርጎባቸዋል” ስትል መቀመጫዋን ካናዳ ያደረገችው የሴቶች መብት ተሟጋቿ እና በ2018 ተቃውሞ ወቅት የጸጉር መሸፈኛ ሂጃቧን በማውለቋ የሦስት ዓመት እስራት የተፈረደባት አዛም ጃንግራቪ ትናግራለች።

“ቤተሰቦቼ አላደረጉትም። ብዙ ቤተሰቦች ግን የሚወዷቸውን ሰዎች ለመጠበቅ የተሻለው መንገድ እንደሆነ በማሰብ ጫና ውስጥ ገብተዋል። እስላማዊው ሪፐብሊክ የሴቶችን የአእምሮ ጤንነት ጥያቄ ውስጥ በመክተት ለማጥላላት የሚሞክረው በዚህ መንገድ ነው” ስትል አክላለች።

አምነስቲ ኢንተርናሽናል በበኩሉ ኢራን “በኃይል የታሰረችው የዩኒቨርሲቲ ተማሪ በአስቸኳይ እና ያለ ምንም ቅድመ ሁኔታ መለቀቅ አለባት” ብሏል።

“እስክትፈታ ድረስም ባለስልጣናት ከማሰቃየት እና ሌሎች እንግልት ሊከላከሏት ይገባል። ቤተሰቦቿ እና ጠበቃ ማግኘት ይገባታል። በእስር ወቅት በእሷ ላይ የተፈጸሙ የድብደባ እና የወሲባዊ ጥቃት ውንጀላዎች ገለልተኛ ምርመራ ያስፈልጋቸዋል። ጥቃት አድራሾችም ተጠያቂ መሆን አለባቸው” ሲልም አክሏል።

በኢራን የተባበሩት መንግስታት ልዩ ልዑክ የሆኑት ማይ ሳቶ ቪዲዮውን በኤክስ ላይ ለጥፈው “የባለሥልጣናት ምላሽን ጨምሮ ይህንን ክስተት በቅርበት እከታተላለሁ” ሲሉ ጽፈዋል።

ኢራን ውስጥ በእስር ላይ የምትገኘው ኢራናዊቷ የኖቤል የሠላም ተሸላሚ ናርጅስ መሐማዲ ጉዳዩ በጣም እንዳሳሰባት ባወጣችው መግለጫ አስታውቃለች።

“ሴቶች ተቃውሞ ለማሰማት ዋጋ እንከፍላለን። እኛን በጉልበት ማንበርከክ ግን የማይታሰብ ነው።”

“በዩኒቨርሲቲው ተቃውሞዋን ያሰማችው ተማሪ ሰውነቷን የጭቆና እና የተቃውሞ ምልክት አድርጋዋለች። እንድትፈታ እና በሴቶች ላይ የሚደርሰው ትንኮሳ እንዲያቆም ጥሪዬን አቀርባለሁ” ስትል አክላለች።

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብ/ኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

 ምንጭ፡– (ቢቢሲ)