ከሁለት ባለሥልጣናት በተጨማሪ በጊዜው የብልጽግና ፓርቲ ሥራ አስፈጻሚ ኮሚቴ አባሉ አቶ ሐሰን አብዱልቃድም በቦርድ አባልነት ተሹመዋል። የአዲስ አበባ ዩኒቨርሲቲ የጋዜጠኝነት እና ተግባቦት መምህሯ እንዲሁም የአዲስ አበባ ከተማ ምክር ቤት የብልጽግና ፓርቲ ተመራጯ ዶ/ር አጋረደች ጀማነህ ከተሾሙት የቦርድ አባላት መካከል ናቸው።

በጊዜው ይህ ሹመት በፓርላማ ሲጸድቅ ሹመቱ “የመገናኛ ብዙኃን አዋጁን የጣሰ ነው” የሚል ትችቶች ቀርቦበት ነበር።

ከአንድ ዓመት በፊት በመንግሥት የፀጥታ ኃይሎች የታሰሩት አቶ ክርስቶያን ታደለ፤ “በምን አግባብ ነው ከፍተኛ የመንግሥት ባለሥልጣናት እና የገዢው ፓርቲ አባላት ይህን የዲሞክራሲ ተቋም በቦርድ አመራርነት እንዲመሩ ወደዚህ የቀረቡት?” የሚል ጥያቄ አቅርበው ነበር።

የፓርላማው የመንግሥት ዋና ተጠሪ ሚኒስትር ተስፋዬ በልጂጌ “ከመንግሥት አካላት የቀረቡ አመራሮችን በተመለከተ አዋጁ ላይ የተቀመጠውን ሃሳብ መነሻ በማድረግ ነው እንጂ የሚጣረስ አይደለም የሚል እምነት አለኝ” የሚል ምላሽ ሰጥተው ነበር።

የመገናኛ ብዙኃን ባለሥልጣን የቦርድ አባላት ሹመት ከምክር ቤት አባላት በተጨማሪ በፖለቲካ ፓርቲዎችም ተቃውሞ ገጥሞት ነበር።

ከሹመቱ አንድ ዓመት በኋላ የኢትዮጵያ ዜጎች ለማኅበራዊ ፍትህ (ኢዜማ) ጠቅላይ ሚኒስትሩ የመገናኛ ብዙኃን አዋጅን “በተጻረረ መንገድ” የሾሟቸውን የቦርድ አባላት ከኃላፊነት እንዲያነሱ ጠይቆ ነበር።

የቦርድ አባላት ለሹመት ፓርላማ ሲቀርቡ ተጥሷል የተባለው የአዋጅ ድንጋጌ አሁን በማሻሻያ ረቂቁ ተሰርዟል።

ረቂቁ ማሻሻያ ያደረገበት ሌላኛው ጉዳይ የባለሥልጣኑ ዋና ዳይሬክተር የሚሾሙበትን አካሄድ ነው። በሥራ ላይ ባለው አዋጅ ዋና ዳይሬክተሩ የሚሾሙት በቦርዱ አቅራቢነት በሕዝብ ተወካዮች ምክር ቤት ነበር።

በረቂቅ ማሻሻያው ይህ ደንጋጌ፤ “የባለሥልጣኑ ዋና ዳይሬክተር በጠቅላይ ሚኒስትሩ አቅራቢነት በሕዝብ ተወካዮች ምክር ቤት ይሾማል” ተብሎ ተስተካክሏል።

በነባሩ አዋጅ ለቦርዱ ተሰጥተው የነበሩት የፈቃድ ወይም የምዝገባ ምስክር ወረቀት አለማደስ፣ ማገድ፣ መሰረዝ፣ የጽሁፍ ማስጠንቀቂያ መስጠት የመሳሰሉት ኃላፊነቶች አሁን ለባለሥልጣኑ ተሰጥተዋል።

ከዚህ በተጨማሪም በነባሩ አዋጅ ቦርዱ ፈቃድ መስጠት እና መሰረዝን እንዲያከናውን የቦርድ አባል ወይም ኮሚቴ ውክልና መስጠት አይችልም ነበር።

በማሻሻያ ረቂቅ አውጁ መሠረት ቦርዱ ፈቃድ መስጠት እና መሰረዝን በውክልና ለማንኛውም የቦርድ ኮሚቴ ወይም የቦርድ አባል ለመስጠት የመወሰን ሥልጣን ይኖረዋል።

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብ/ኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

ምንጭ፡– (ቢቢሲ)