ከአወዛጋቢ ይዘቶች በተጨማሪ ራሱን ለአደጋ ሲያጋልጥ ይህ የመጀመሪያው አይደለም።

ከሚልተን በፊት ፍሎሪዳን ጨምሮ ሌሎች ግዛቶችን የመታውን ሄሌኔ አውሎ ነፋስ እና የባሕር ወጀብ ድንኳን ተክሎ ለአምስት ሰዓታት ያህል በቀጥታ አስተላልፏል።

በአንድ ጎዳና ስር ድንኳኑ ውስጥ ሆኖ ከዚህ ኸሪኬን እተርፋለሁ እያለ በስልኩ ቀርጿል። “ለምን? ሰዎችን ለማዝናናት?” የሚል ምላሽ ሰጥቷል።

ከሱ በሜትሮች ርቀት የባሕሩ ወጀብ ከፍተኛ ነበር።

እንደ ኪክ ያሉ ማኅበራዊ ሚዲያዎች በሚያገኟቸው ዕይታዎች ብዛት ገንዘብ ይከፍላሉ እንዲሁም በርካቶችም ልገሳዎችን ይሰጣሉ።

ማይክ በዚህ በቀጥታ ባስተላለፈው ሥርጭቱ ምን ያህል ገንዘብ እንዳገኘ ባይገልጽም እንደ ይዘታቸው አንዳንዶች በሰዓት ከ300 እስከ 400 ዶላር ያገኛሉ ብሏል። አውሎ ነፋሱን በቀጥታ በማሳየት በቂ ገንዘብ እንዳገኘም አክሏል።

ዕይታውን ለመጨመር ምንም ነገር ከማድረግ ወደኋላ የማይል ቢመስልም የደኅንነቱን ጉዳይ በቁም ነገር እንደሚያየው እና ጉዳቶችን እንደሚገመገም አጥብቆ ገልጿል።

ከዚህ ተፈጥሯዊ ቀውስ ከተረፈ በኋላ በሙሉ ልብነት የሚናገረው ማይክ “አልሞትኩም። አለሁ። እየተዝናናሁ ነው” ሲል መልሷል።

የማይክን ይዘት እንዲሁም የማኅበራዊ ሚዲያ ኃላፊነትን በተመለከተ ኪክን ቢቢሲ የጠየቀው ሲሆን፣ “በይዘት የፈጠራ ሥራዎች ላይ ተጽእኖ አናደርግም፤ ጣልቃ አንገባም። ነገር ግን ይዘቱ ሕገወጥ ወይም መመሪያዎቻችንን የሚጥስ ከሆነ እናግዳለን” ብሏል።

የማይክ ይዘት በድረገጻቸው ላይ የሰፈረውን “ደኅንነት መጀመሪያ፣ ደኅንነት ለራስ፣ ለታዳሚዎች እና ለሕዝብ” የሚለውን መመሪያ ጥሶ እንደሆነ ኪክ ሲጠየቅ ምላሽ አልሰጠም።

ቲክቶክ በበኩሉ በቀጥታ ዘገባ ወቅት አንዳንድ ይዘቶች ገንዘብ ለማግኘት ብቁ እንዳልሆኑ ለቢቢሲ ገልጿል።

እነዚህም “ሌሎችን የሚያታልሉ፣ የሚያጭበረብሩ ይዘቶች ወይም ዕይታን ለማግኘት አወዛጋቢ ጉዳዮችን መሥራት እንዲሁም ተጋላጭ ሰዎችን መጠቀም” እንደሆነ አትቷል።

የማይክ የኸሪኬን ቪዲዮዎች አሁንም አሉ።

ማይክ ራሱን አደጋ በሚጥሉ ይዘቶች የአደጋ ጊዜ ሠራተኞችን ሕይወት አደጋ ሊጥል እንደሚችል ለቀረበለት ጥያቄ ምን እየሠራ እንደሆነ እንደሚገነዘብ ተናግሯል።

“አታድኑኝ” የሚለው ማይክ “ሌላ አውሎ ነፋስ እና የባሕር ወጀብን ከቀረጽኩኝ፤ ምንም እንዳታደርጉ፤ እሺ። ምንም ማለት አይጠበቅባችሁም። ሕይወታችሁን አደጋ ላይ መጣል የለባችሁም። በጭራሽ” ብሏል።

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብ/ኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

ምንጭ፡– (ቢቢሲ)