የሊቢያ እግር ኳስ ፌደሬሽን ግን ጉዳዩ በበረራ ሂደት የሚያጋጥም እና አዲስ አለመሆኑን ገልጾ ከናይጄሪያ እግር ኳስ ተጫዋቾች ጋር የተፈጠረው መስተጓጎል በመረዳዳት እልባት እንደሚያገኝ እምነቱን ገልጿል።

የናይጄሪያው የስፖርት ልማት ሚኒስትር በበኩላቸው በጉዳዩ ዙሪያ ከካፍ ፕሬዝዳንት ጋር መነጋገራቸውንና በዚህ ምክንያትም የሊቢያ እግር ኳስ ፌደሬሽን ከባድ የዲሲፕሊን እርምጃ እንደሚወሰድበት ይጠብቃሉ።

ክስተቱ ካጋጠመ በኋላ ተጫዋቾቹ ከተፈጠረባቸው የስሜት መረበሽ ባሻገር ለደኅንነታቸው በመስጋት ጨዋታውን ላለማድረግ ወስነዋል።

ይህ ሁኔታ የተፈጠረው ሊቢያ ናይጄሪያ ውስጥ በነበረው ጨዋታ በደል ተፈጽሞብኛል የሚል ቅሬታ ካስገባች በኋላ ነው።

የሊቢያ ባለሥልጣናት እንዳሉት ናይጄሪያ ከደረሱ በኋላ ወደ ፖርት ሃርኮርት እንዲሄዱ ተገደዋል። ከዚያም በተጨማሪ ኦዮ ወደተባለው ከተማ ለመሄድ 130 ኪሎ ሜትር “የምንጓዝበት አውቶብስ አላዘጋጁልንም” በማለት ከሰዋል። እነዚህን ክሶች ግን የናይጄሪያ እግር ኳስ ፌደሬሽን ውድቅ አድርጓቸዋል።

በተመሳሳይ የሊቢያ እግር ኳስ ፌደሬሽንም ፈጸሙት የተባለውን መጉላላት እንደማይቀበሉት ገልጸዋል።

ሊቢያ በሁለት አስተዳደር ተከፍላለች። አንደኛው የምሥራቁ ክፍል ሲሆን ቤንጋዚ ያለበት ነው። ሁለተኛው ደግሞ መዲናዋ ትሪፖሊ የምትገኝበት የምዕራቡ ክፍል ነው። ሁለቱም ገዥዎች የአገሪቱ ሕጋዊ መንግሥት እንደሆኑ ይገልጻሉ።

በአገሪቱ የፖለቲካ ሁኔታ ምክንያት ትሪፖሊ ያለው የናይጄሪያ ኢምባሲ ምንም ማድረግ አልቻለም።

ሁለቱ አገራት ባለፈው አርብ ናይጄሪያ ውስጥ ተጫውተው አስተናጋጇ ናይጄሪያ አንድ ለምንም አሸንፋለች። በማጣሪያው ድልድል ቡድን ዲ ውስጥ የሚገኙ ሲሆን ናይጄሪያ በሰባት ነጥብ ምድቡን ስትመራ፣ ሊቢያ ደግሞ በአንድ ነጥብ የደረጃ ሰንጠረዡ ግርጌ ላይ ትገኛለች።

የሊቢያ እግር ኳስ ቡድን ማክሰኞ የሚካሄደውን የማጣሪያ ጨዋታ ለማድረግ በሜዳው እንደሚገኝ አሳውቋል። ነገር ግን ናይጄሪያ ካልተገኘች ‘በፎርፌ’ ሶስት ነጥብ እና ሶስት ጎል ለሊቢያ ይሰጣል።

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብ/ኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

ምንጭ፡– (ቢቢሲ)