አስተባባሪዋ አክለውም “ዐቃቤ ህግ የሙህዲንን የይግባኝ አቤቱታ መቃወም የለባቸውም፤ ባለስልጣናትም ጋዜጠኞች በሚሰሩት ጠንካራ ዘገባ እና በሚሰጡት አስተያየት ለእስር አለመዳረጋቸውን ማረጋገጥ አለባቸው” ብለዋል።

በሲፒጄ የ2023 ሪፖርት መሰረት ኢትዮጵያ ከሰሃራ በታች ካሉ ሀገራት በርካታ ሁለተኛዋ የጋዜጠኛ አሳሪ ሀገር ናት። እስካለፈው ታህሳስ ወር ድረስ ስምንት ጋዜጠኞች በእስር ላይ እንደሚገኙ የተቋሙ ሪፖርት ያሳያል።

ድንበር የለሽ የጋዜጠኞች ቡድን (RSF) ባለፈው ሳምንት አርብ ባወጣው የሀገራት የፕሬስ ነጻነት ደረጃ መሰረት ኢትዮጵያ ባለፈው ዓመት ከነበራት ሰባት ደርጃዎችን አሽቆልቁላለች። ባለፈው ዓመት ከ180 ሀገራት 130ኛ የነበረችው ኢትዮጵያ በዚህ ዓመት 141ኛ ደረጃ አግኝታለች።

የተቋሙ መረጃ እንደሚያመላክተው ኢትዮጵያ ባለፉት ተከታታይ አራት ዓመታት በፕሬስ ነጻነት ደረጃ እያሽቆለቆለች ትገኛለች። በአውሮፓውያኑ 2020 ኢትዮጵያ 99ኛ ደረጃ አግኝታ የነበረ ሲሆን ሲሆን በአራት ዓመታት ውስጥ 42 ደረጃዎችን አሽቆልቁላ በ2024/ 141ኛ ደረጃ ላይ ተቀምጣለች።

የዓለም የፕሬስ ነጻነት ቀንን አስመልክቶ በአዲስ አበባ የሚገኙ 18 ኤምባሲዎች ባወጡት መግለጫ “ሥራቸውን ሲሰሩ ፍትሃዊ ባልሆነ መልኩ የታሰሩ” ጋዜጠኞች እንዲለቀቁ ጠይቀው ነበር።

አሜሪካ እና የአውሮፓ ህብረት አባል ሀገራትን ጨምሮ በጋራ መግለጫ ያወጡት ኤምባሲዎች “የፕሬስ ነጻነት አስፈላጊነት እንዲሁም እውነትን ለመዘገብ ያለመታከት የሚሰሩ መገናኛ ብዙኃንን እና ጋዜጠኞችን የመከላከል አስፈላጊነትን ያስታውሳል” ብለዋል።

ይህ የኤምባሲዎቹ መግለጫ ከኢትዮጵያ መንግሥት በኩል ጠንካራ ተቃውሞ ገጥሞታል።

የውጭ ጉዳይ ሚኒስቴር “ እኔ አውቅልሀለሁ የሚል የጋራ መግለጫ ለሁለትዮሽ ግንኙነት የሚበጅ አይደለም፤ እንዲሁም በአገሪቱ ያለውን የሕግ የበላይነትን ማስከበር ዝቅ የሚያደርግ ነው” ሲል የኤምባሲዎቹን የጋራ መግለጫ አጣጥሎታል።

የውጪ ጉዳይ ሚኒስቴር በዚህ መግለጫው ላይ “ [ኤምባሲዎቻቸው] በሚገኝበት አገር ጋር እንዲህ ያለ ግንኙነት ፍሬያማ ያልሆነ እና ከተለመደው የሁለትዮሽ ግንኙነት የሚቃረን ነው” ሲል ገልጾታል።

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

ምንጭ ( ቢቢሲ ዜና )