ናቫልኒ ነሐሴ 2020 ወደ ሳይቤሪያ እስር ቤት በተወሰደበት ወቅት ኖቪቾክ በተባለ ነርቭ አጥቂ ንጥረ ነገር ተመርዞ እንደነበር ይታወሳል።

‘ፓትሪዮት’ ሲል የሰየመውን የሕይወት ታሪኩን የሚዘክር መፅሐፍ መፃፍ የጀመረው ጀርመን ሕክምና እየተከታተለ ሳለ ነበር።

ከሕክምናው ካገገመ በኋላ ጥር 2021 ወደ ሩሲያ መዲና ሞስኮ እንደተመለሰ ወዲያውኑ በቁጥጥር ሥር ዋለ። ናቫልኒ የቀሩትን 37 ወራት እስር ቤት ነበር ያሳለፈው።

ተቃዋሚው ፖለቲከኛ ጥር 2022 “ሊያስፈራን የሚገባ አንድ ነገር ቢኖር እናት አገራችን በዋሾዎች፣ በወንበዴዎች እና በግብዞች መመራቷ ነው” ሲል ፅፏል።

መፅሐፉ የጤናው ሁኔታ እያሽቆለቆለ ሲመጣ፤ እስር ቤት ሳለ የነበረው ብቸኝነት እንዲሁም ጨዋታ አዋቂነቱን ያዘለ ነው ሲሉ ጋዜጣዎቹ አስነብበዋል።

ፓትሪዮት የተባለው መፅሐፍ በዚህ ወር [ጥቅምት] ለበገያ ይቀርባል። አሜሪካ የሚገኘው አሳታሚ ድርጅት በእንግሊዝኛ ቋንቋ የሚታተመውን መፅሐፍ በሩሲያ ቋንቋም ለማሳተም አቅዷል።

ኒው ዮርከር እንደዘገበው ናቫልኒ እስር ቤት ሳለ በቡድኑ አባላት በኩል ከመፅሐፉ ላይ እየቆነጠረ በማኅበራዊ ሚድያው ላይ ይለጥፍ እንደነበር ዘግቧል።

ጋዜጣው አክሎ ናቫልኒ እስር ቤት ሳለ ሌሎች እስረኞች እና የእስር ቤቱ ጠባቂዎች ለምን ወደ ሩሲያ ተመለስክ ብለው እንደሚጠይቁት ፅፏል።

ምላሹ ይላል ናቫልኒ “አገሬ ላይ ተስፋ መቁረጥ አልፈልግም፤ ልክዳትም አልፈልግም። ለአንድ ነገር ቁርጠኛ ከሆናችሁ በዓላማችሁ ልትፀኑ ይገባል፤ አስፈላጊ ከሆነ መስዋዕትነትም መክፈል አለባችሁ።”

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብ/ኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

ምንጭ፡– (ቢቢሲ)