“በ26 ዓመታት ውስጥ ዣንግ ይሚንግ በሀብት መጠን በቻይና ውስጥ ለመጀመሪያ ጊዜ አንደኛ ሲሆን 18ኛው ሰው ነው” ሲል መረጃውን ያጠናቀረው ሁሩን ተቋም ኃላፊ ሁጌዌርፍ ተናግሯል።

“በንጽጽር እስካሁን በአሜሪካ አራት ብቻ በሀብት አንደኛ የሆኑ ሰዎች ተመዝግበዋል። እነሱም ቢል ጌትስ፣ ዋረን ባፌት፣ ጄፍ ቤዞስ እና ኤላን መስክ ናቸው። ይህም በቻይና ምጣኔ ሀብት ውስጥ ያለውን ተለዋዋጭ ሁኔታን የሚያመለክት ነው” ተብሏል።

በባለሀብቶቹ ዝርዝር ውስጥ ዣንግ በቻይና ግዙፍ የቴክኖሎጂ ዘርፍ ብቸኛው ግለሰብ አይደለም።

ቴንሴንት የተባለው የቴክኖሎጂ ተቋማት ስብስብ አለቃ የሆነው ፖኒ ማ ባካበተው 44.4 ቢሊዮን ዶላር በተገመተው ሀብቱ በሰንጠረዡ ላይ ሦስተኛ ሆኗል።

ባለፈው ዓመት የቻይና ምጣኔ ሀብት እና የአክስዮን ገበያ አስቸጋሪ ሁኔታ ገጥሟቸው ስለነበረ በዝርዝሩ ውስጥ የተካተቱት የባለሀብቶች ቁጥር እንዲቀንስ ምክንያት መሆኑን ሁጌዌርፍ ገልጸዋል።

“በ2021 ከነበረው ከፍተኛ ቁጥር በ25 በመቶ ያሽለቆለ ሲሆን፣ ባለፈው ዓመት በሰንጠረዡ ውስጥ የተመዘገቡት የቻይና ባለሀብቶች መጠን ከቀደመው ዓመት በ12 በመቶ በመቀነስ 1100 በታች ሆኗል።”

ኃላፊው ጨምረውም በተሰበሰበው የባለሀብቶች መረጃ መሠረት ባለፈው ዓመት ለዘመናዊ የሞባይል ስልኮች አምራቾች ከገቢ አንጻር መልካም የነበረ ሲሆን፣ ከብክለት ነጻ የሆነ ኃይል ለሚያመርቱት ደግሞ ማሽቆልቆል የታየበት ነበር።

“በፀሐይ ኤሌክትሪክ የሚያመነጩ ሳህኖች፣ የኤሌክትሪክ ባትሪዎች እና ለኤሌክትሪክ መኪና አምራቾች ባለፈው [የአውሮፓውያን] ዓመት ፉክክሩ ከባድ የነበረበት እና የታሪፍ ጭማሪ ስጋት የነበረበት በመሆኑ ፈታኝ ነበር” ተብሏል።

በ2021 ከነበረው ከፍተኛ ገቢ አንጻር በፀሐይ ኤሌክትሪክ የሚያመነጩ ሳህኖችን የሚያመርቱ ኩባንያዎች ሀብት እስከ 80 በመቶ በሚደርስ መጠን አሽቆልቁሏል፣ በተመሳሳይ የኤሌክትሪክ መኪና እና ባትሪ አምራቾች ገቢም እስከ ግማሽ በሚደርስ መጠን ቀንሷል።

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብ/ኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

ምንጭ፡– (ቢቢሲ)