“ለእኔም፣ ለቤተሰቦቼም ሆነ ለአገሬ ልዩ ቀን ነው” ሲል ሮድሪ ሽልማቱን በተቀበለበት ወቅት ተናግሯል።

“ዛሬ ድሉ ለእኔ ሳይሆን ለስፔን እግር ኳስ ነው። እንደ አንድሬስ ኢኔሽታ፣ ዣቪ ሄርናንዴዝ፣ ኢከር ካስያስ፣ ሰርጂዮ ቡስኬት ያሉና እና ማሸነፍ ይገባቸው የነበሩ ተጫዋቾች ድል ነው” ብሏል።

ባለን ዶር በፊፋ የአገራት ደረጃ እስከመቶ ባለው ዝርዝር ውስጥ በሚገኙ አገራት የሚሠሩ ጋዜጠኞች በሚሰጡት ድምጽ የሚሰጥ ሽልማት ነው።

ከ2003 ወዲህ ለመጀመሪያ ጊዜ ሊዮኔል ሜሲ (8 ጊዜ ተሸላሚ) እና ክርስቲያኖ ሮናልዶ (5 ጊዜ) የሽልማት ስነ ስርዓቱ ላይ ዕጩ ሳይሆኑ ቀርተዋል።

ሮድሪ ባለፈው የውድድር ዓመት በሽልማቱ አምስተኛ ደረጃ ለመቀመጥ ችሎ ነበር።

የከፍተኛ ጎል አስቆጣሪዎች ሽልማት የሆነውን የገርድ ሙለር ዋንጫ ደግሞ እኩል 52 ጎሎችን ያስቆጠሩት ሃሪ ኬን እና ኪሊያን ምባፔ ተጋርተውታል።

የወጣቶች ኮከብ ተጫዋች ሽልማት የሆነውን ኮፓ ዋንጫ ስፔናዊው የባርሴሎና የክንፍ መስመር ተጫዋች ላሚን ያማል አሸንፏል።

የ17 ዓመቱ ያማል ለባርሴሎና 50 ጨዋታዎችን ተሰልፎ ሰባት ጎሎችን ሲያስቆጥር ሰባት ለጎል የሚሆኑ ኳሶችን አቀብሏል።

ለምርጥ ኮከብ ግብ ጠባቂ የሚሰጠውን የያሺን ዋንጫን ደግሞ አርጀንቲናዊው የአስቶን ቪላ የግብ ዘብ ኤሚሊያኖ ማርቲኔዝ ለተከታታይ ሁለተኛ ጊዜ ለማሸነፍ ችሏል።

የባልንዶር ምርጥ 10 ተጫዋቾች