የሰሜን ሸዋ የብልጽግና ፓርቲ ጽህፈት ቤት አቶ ንጉሡ ኮሩ “ለሕዝባቸው ብልጽግና ቀን ተሌት ይሰሩ የነበሩ” መሆናቸውን ገልጾ የሐዘን መግለጫ አውጥቷል።

መግለጫው አክሎም በወጫሌ ወረዳ ካራ በሚባል አካባቢ የጸጥታውን ሁኔታ ለመከታተል ተሰማርተው ባሉበት መንግሥት ሸኔ ሲል በሚጠራቸው የኦሮሞ ነጻነት ሠራዊት ታጣቂዎች መገደላቸውን ገልጿል።

የኦሮሞ ነጻነት ሠራዊት በበኩሉ በማህበራዊ መገናኛ ብዙኀኑ ላይ ትናንት በሰሜን ሸዋ ዞን ወጫሌ ወረዳ በሁለት ቦታዎች ላይ በፈጸመው ጥቃት 120 የመንግሥት ወታደሮችን መግደሉን አስታውቋል።

በሰሜን ሸዋ ወጫሌ ወረዳ ሁለት ቦታዎች እንዲሁም በካራ፣ ባጮ ፋሉሚ በተባሉ አካባቢዎች ጥቃት ከፍቶ የመንግሥት ባለሥልጣናትን ጨምሮ የጸጥታ ኃይሎችን መግደሉን ገልጿል።

አቶ ንጉሤ የአለልቱ ወረዳ አስተዳዳሪ የነበሩ ሲሆን የወጫሌ ወረዳ አስተዳደር ሆነው የተሾሙት ከሁለት ሳምንት በፊት ነበር።

ወረዳው ያወጣው መግለጫ አቶ ንጉሡ በታጣቂዎች መገደላቸውን እንጂ የታጣቂውን ማንነት በስም ከመግለጽ ተቆጥቧል።

እንደ ወጫሌ ወረዳ መንግሥት ኮሙኑኬሽን መግለጫ ከሆነ አቶ ንጉሡ እና ሌሎች የወረዳው ባለሥልጣናት ከአካባቢው ነዋሪ ጋር በጸጥታ ጉዳዮች ጋር በተያያዘ በርካታ ውይይቶችን ሲያካሄዱ ነበር።

በሰሜን ሸዋ የመንግሥት ኃላፊዎች ከታጣቂዎች በሚደርስባቸው ጥቃት ሲገደሉ ይህ የመጀመርያው አይደለም።

ከዚህ ቀደም የደቡብ ምዕራብ ሸዋ ዞን ሳደን ሶዶ አስተዳዳሪ ማንነታቸው ባልታወቁ ታጣቂዎች ጥቃት ተከፍቶባቸው መገደላቸው ይታወቃል።

የምዕራብ ሸዋ ዞን የአዳ በርካ ምክትል አስተዳዳሪ የነበሩት አቶ አብዲሳ ቀነኒም አንዲሁ በመኖርያ ቤታቸው አቅራብያ በታጣቂዎች መገደላቸው የታወሳል።

የመንግሥት የጸጥታ ኃይሎች በበርካታ የኦሮሚያ አካባቢዎች ከኦሮሞ ነጻነት ሠራዊት ጋር የሚያካሂዱት ውጊያ አመታትን ያስቆጠረ ሲሆን ሁለቱን አካላት የገቡበት ግጭት በሰላም እንዲቋጭ የተሞከሩ ድርድሮች ፍሬ አላፈሩም።

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብ/ኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

ምንጭ፡– (ቢቢሲ)