ጠባቂዎቻቸው እና ፖሊሶች ንጉሡን ከበው ቀለበት በመሥራት ከተቃዋሚዎቹ የሚወረወርባቸውን ጭቃ እና ቁሳቁሶች ለመከላከል ሲታገሉ ታይተዋል።

ንጉሡ በበኩላቸው በርካቶቹን ሲያዋሩ እና አልፎ ተርፎም ሲያቅፏቸው ታይተዋል።

ንጉሡ፣ ንግሥቲቱ እና አጃቢዎቻቸው ፊት እና ልብሳቸው ጭቃ መቀባቱን የሚያሳዩ በርካታ ምሥሎች ወጥተዋል።

የስፔኑ ጠቅላይ ሚኒስትር ፔድሮ ሳንቼዝ እና የቫለንሺያ ክልል ርዕሰ መስተዳድር ካርሎስ ማዘን በጉብኝቱ ላይ ንጉሣውያኑ ጥንዶችን ተቀላቅለው የነበረ ቢሆንም የተቃዋሚዎች ቁጣ መጠንከሩን ተከትሎ ከስፍራው በፍጥነት እንዲወጡ ተደርገዋል።

የስፔን መገናኛ ብዙኃን ጠቅላይ ሚኒስትሩ ላይ ቁሳቁሶች እንደተወረወሩባቸው የዘገቡ ሲሆን፣ ቢቢሲ ያረጋገጠው ቪዲዮ ደግሞ መኪናቸው ላይ ድንጋይ ሲወረወርባቸው አሳይቷል።

ጠቅላይ ሚኒስትሩ ከሄዱ በኋላ “ሳንቼዝ የት ነው?” የሚሉ ድምጾች ተሰምተዋል።

“ገና 16 ዓመቴ ነው። እኛ ተጎጂዎችን እየረዳን ነው። መሪዎቹ ግን ምንም እያደረጉ አይደለም። ሰዎች አሁንም እየሞቱ ነው፤ ይህንን መታገስ አልችለም” ሲል ታዳጊው ልጅ እያለቀሰ ለቢቢሲ ተናግሯል።

ሌላ ግለሰብ ደግሞ “እንድንሞት ትተውናል። ሁሉንም ነገር አጥተናል። ገንዘባችንን፣ ንብረታችንን፣ ህልማችንን” ስትል ለቢቢሲ ተናግራለች።

በኋላ ላይ የፀጥታ ኃይሎች የተቆጣውን ሕዝብ ለመበተን ሲሞክሩ ታይተዋል።

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብ/ኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

ምንጭ፡– (ቢቢሲ)