‘ተገቢ ሽንፈት’

ባሳዩት እንቅስቃሴ ባይሆንም ማንቸስተር ዩናይትድ ተጫዋቾች ከጨዋታው መጠናቀቅ በኋላ በደጋፊዎቻቸው ተጨብጭቦላቸው ከሜዳ ወጥተዋል።

“እንደ ማንቸስተር ከዚህ በላይ መንቀሳቀስ ነበረብን። የነበሩት ተጫዋቾች ከዚህ በላይ መስራት ነበረባቸው። ተገቢ ሽንፈት ነው። የጠበቅነው እንቅስቃሴ አይደለም” ሲሉ ቴን ሃግ ለቢቢሲ ተናግረዋል።

“በቡድኑ እንቅስቃሴ ላይ ማተኮር አለብን። ይህ ተገቢ አይደለም። ለእሑድ ማስተካከከል ይኖርብናል። ከዚህ ጨዋታ ተምረን ማስተካከል አለብን።”

የቴን ሃግ ቆይታ ባጠራጠረበት በዚህ ወቅት እሑድ ዕለት ማንቸስተር ዩናይትድ አርሰናልን ይገጥማል። ቡድኑን ለመምራት ተገቢው ሰው ስለመሆናቸው በስካይ ስፖርት የተጠየቁት ቴን ሃግ “በትክክል” ሲሉ መልሰዋል።

“መልፋት ይጠበቅብኛል። ተገቢ ባለመሆኑ በተቻለኝ አቅም በሙሉ ቡድኑን ለማዘጋጀት መሞከር ይጠበቅብኛል” ብለዋል።

“ለዚህ ኃላፊነት መውሰድ ይኖርብኛል። ለእሑዱ ጨዋታም ላዘጋጃቸው ጉልበቱ ይኖረኛል።”

“ዓመቱን በሙሉ በርካታ ችግሮች ነበሩብን። ችግሮች ሲገጥሙን ለመፍታት ሞክረናል። ዛሬ ግን አላደረግነውም” ብለዋል።

‘እግር ኳስ ካሰሚሮ ተለያይታለች’

በጉዳት የሳሳውን የተከላካይ ክፍል ለመሸፈን የገባው ካሰሚሮ መጥፎ የሚባል ምሽት አሳልፏል።

የፖላሶቹ ኤበረቺ ኤዜ እና ማይክል ኦሊሴ ድንቅ ምሽት ባሳለፉበት ጨዋታ የቀድሞው ሪያል ማድሪድ አማካይ በተደጋጋሚ ተበልጦ ታይቷል።

የፓላስ ተጫዋቾች ስምንት ጊዜ ኳስ ይዘው አልፈውታል። ይህ ደግሞ በዘንድሮው ውድድር ዓመት በአንድ ጨዋታ የተመዘገበ ትልቁ ቁጥር ነው።

ባለፈው ዓመት ድንቅ ውድድር ዘመን ያሳለፈው ካሰሚሮ ዘንድሮ ብቃቱ ወርዷል።

“ካሰሚሮ በዚህ ጨዋታ ሊያውቅ የሚገባው ነገር በትልቅ ደረጃ እየተጫወተ ሊቀጥል የሚችለው ለሦስት ጨዋታ ብቻ መሆኑን ማወቅ አለበት። ቀሪዎቹን ሁለት የሊግ ጨዋታ እና ኤፍ ኤ ዋንጫውን ካከናወነ በኋላ ወደ አሜሪካ ወይንም ወደ ሳዑዲ መሄድ ይኖርበታል” ሲል ካራገር ተናግሯል።

“’እግር ኳስ ሳትለይህ ቀድመህ ተለያት’ እንደሚባል ሁሌም አስታውሳለሁ። እሱን እግር ኳስ ተለያይተዋለች። በከፍተኛ ደረጃ መጫወቱን አቁሞ ወደ ቀጣዩ ማለፍ አለበት” ብሏል።

“በእሱ ደረጃ የሚገኝ ተጫዋች በዚህ ውስጥ ማለፍ የለበትም። በክሪስታል ፓላስ መጫወቻ ሊሆን የማይገባው ትልቅ ተጫዋች ነው። አሁን ይበቃል ሊል ይገባል” ሲል አክሏል።

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

ምንጭ ( ቢቢሲ ዜና )